"Арсенал" бош мураббийи Микель Артета "ПСЖ"нинг унга бўлган қизиқиши ҳақидаги миш-мишларга муносабат билдирди.
“Мен “Арсенал”да бахтлиман. Клуб эгалари мени қадрлашларини ҳис қиляпман. Бу жамоа билан ҳали кўп ишим бор. Мен ҳамма нарсадан мамнунман ва клубдан жуда миннатдорман", - дея Артетанинг сўзларини келтиради Marca.
17 июнь куни "ПСЖ" маслаҳатчиси Луиш Кампуш Артетага Париж клубини бошқаришни таклиф қилгани ҳақида маълумот пайдо бўлганди.
Артета "Арсенал"ни 2019 йилнинг декабридан бери бошқариб келмоқда. 2022/23 йилги мавсумда 41 ёшли испан бошчилигидаги жамоа Премьер-лигада иккинчи ўринни эгаллади.
