Суперлига 13-турини якунлаб берган учрашувда "Металлург" Тошкентда "Олимпик" меҳмони бўлиб, 2:1 ҳисобида ғалаба қозонди.

Ўйинда мезбонлар сардори Жасур Жалолиддинов 26-дақиқада ҳисобни очди. "Кончилар" аъзоси Ҳусниддин Ғофуров 57-дақиқада қизил карточка олиб, майдонни тарк этди. Шунга қарамай, Бекобод клуби ҳужумчиси Забиҳилло Ўринбоев 66 ва 81-дақиқаларда гол уриб, жамоасига муҳим 3 очко келтирди.

"Металлург" ушбу ғалабадан сўнг очколарини 11 тага етказиб олди ва турнир жадвалида 11-ўринга жойлашди. "Олимпик" 15 очко билан 9-ўринда.

Суперлига | 13-тур
26.06.2023, 20:00. "ЖАР" (Тошкент)
Олимпик — Металлург 1:2
Голлар: 26 - Жасур Жалолиддинов (1:0), 66 - Забиҳилло Ўринбоев (1:1), 81 - Забиҳилло Ўринбоев (1:2).
Қизил карточка: 57 - Ҳусниддин Ғофуров (Металлург).