"Интер" ва "Ан-Наср" жамоалари ярим ҳимоячи Марсело Брозович трансфери бўйича музокараларни якунлади, деб хабар беради Sky Sport.
Нашрнинг ёзишича, “нерадзуррилар” хорватиялик ярим ҳимоячини Саудия клубига 25 миллион евро эвазига сотиб юборади. Шартнома 2026 йилга қадар тузилади.
Аввалроқ ярим ҳимоячига "Барселона" ҳам қизиқиш билдираётгани ҳақида хабарлар тарқалган эди. Каталонияликлар бош мураббийи Хави уни ярим ҳимоянинг асосий ўйинчисига айлантирмоқчи.
Брозович “Интер” сафида 2015 йилнинг январидан буён тўп тепади. 2022/23 йилги мавсумда ярим ҳимоячи барча мусобақаларда 40 та ўйинда майдонга тушиб, 3 та гол урди ва 6 та голли узатмани амалга оширди. Шартнома 2026 йилнинг ёзига қадар мўлжалланган.