“Интер” ҳужумчиси Лаутаро Мартинес ҳамон “Челси”нинг нишонида қолмоқда. Бу ҳақда журналист Бен Жейкобс хабар тарқатмоқда.

"Челси" аргентиналик тўпурар билан шартнома имзоламоқчи, шу сабабли, "кўклар" Лаутаро Мартинесни кузатиб боришмоқда. "Интер"нинг фикрича, футболчи сотилмайди, аммо молиявий вазият туфайли клублар келишувга эришиши мумкин", - деб пост қолдирди Жейкобс.

Лаутаро Мартинес август ойида 26 ёшга тўлади. Тransfermarkt портали аргентиналик футболчини 85 миллион еврога баҳоламоқда. 2022/2023 йилги мавсумда Мартинес "Интер" сафида 57 та ўйин ўтказиб, 28 та гол урди ва 11 та голли узатмани ҳамкорларига берди.