"Реал Мадрид" футболчиси Винисиус Тобиас "Эльденсе"га қарши ўйинда ирқий ҳақоратга учради.
Ушбу жамоалар ўртасидаги сўнгги ўйиннинг иккинчи бўлимида 12 ёшли болакай "Реал Мадрид Кастилья"да ўйнаётган Донецкнинг "Шахтёр" клубидан ижарага олинган ҳимоячини "маймун" деб ҳақорат қилди.
"Болакайдан буни кутмагандим. Ҳақиқат шундаки, бола менга "маймун!" - деб бақирди.
Бундай ҳолатлар туфайли футболчиларнинг жабрланганини кўриш жуда ачинарли. Бу ҳар доим содир бўлади. Сиз буни қанчалик оғриқли эканини билмайсиз", — деб пост қолдирди Винисиус Тобиас ўзининг "Инстаграм"даги расмий саҳифасида.
Винисиус Жуниор ўтган мавсумда "Реал Мадрид"нинг асосий жамоасида ўйнаб, "Валенсия"га қарши баҳсли ўйинда ирқчиликка учраганди.