"ПСЖ" ҳужумчиси Килиан Мбаппега Англия Премьер-лигасининг "Ливерпуль" клуби қизиқиш билдирмоқда.
Хабар қилинишича, ҳужумчи ва "ПСЖ"нинг қатарлик хўжайинлари билан алоқалари бор ФИФА агенти Марко Кирдемир "қизиллар" Мбаппени сотиб олишга қизиқаётганини айтди.
Франциялик футболчи яқинда ўз клубига 2024 йилда тугайдиган шартномасини узайтирмаслигини айтди, шунинг учун "ПСЖ" уни ҳозир сотишга ҳаракат қилиши учун яхши имконият бор.
“Кейинги ҳафта янгилик бўлади. Бизда Англия ва Германиядан хабарлар бор”, деди Кирдемир Радио Марcа нашрига Мбаппе билан боғлиқ вазият ҳақида.
“Ливерпуль” ҳужумчи учун “Реал” билан рақобатлашмоқда ва Мбаппега 250 миллион евро тўламоқчи”, дея қўшимча қилди у.
