"Ал-Аҳли" ва "Ал-Ҳилол" "ПСЖ" ярим ҳимоячиси Марко Верраттини қўлга киритиш учун курашмоқда.
30 ёшли италиялик футболчига Саудия Арабистони вакиллари қизиқиш билдираётгани ҳақида аввалроқ хабар берилган эди.
Журналист Маттео Мореттонинг хабар беришича, "Ал-Аҳли" ва "Ал-Ҳилол" Верратти трансфери билан боғлиқ шартлар бўйича парижликлар билан музокара бошлаган. Парижликлар ҳали рози бўлишмаган.
Марко Верратти ўтган мавсумда "ПСЖ" таркибида барча турнирларда 38 та ўйинда майдонга тушиб, 1 та голли узатмага муаллифлик қилган.
Transfermarkt портали футболчининг трансфер қийматини 40 миллион еврога баҳолаган ва унинг Лига 1 гиганти билан шартномаси 2026 йилнинг июнигача тузилган.
