"Рома" ва Аргентина терма жамоаси ҳужумчиси Пауло Дибала Роналдиньо ва Лионель Месси ҳақидаги фикрларини айтди.
29 ёшли футболчи болалигида афсонавий бразилияликнинг ўйинига қойил қолганини тан олди, аммо барибир ўз ҳамюртини ундан баландроқ қўйди:
"Роналдиньоми ёки Месси? Мен Мессини танлайман. Роналдиньо менинг кумирим, лекин Лео биринчи рақамли ўйинчи", - дея Дибаланинг сўзларини келтирган журналист Алфредо Педулла.
Пауло Дибала Аргентина терма жамоаси сафида 38 та ўйин ўтказиб, 3 та гол ва 7 та голли узатмани амалга оширган. Ўтган йилнинг декабрь ойида Аргентина терма жамоаси Дибала ва Месси билан Қатарда бўлиб ўтган жаҳон чемпионатида ғолиб чиққан эди.
