Альваро Мората Саудия Арабистони чемпионатида ўйнаш ниятида эмас.
30 ёшли ҳужумчи Яқин Шарқдан келган таклифни рад этди ва Мадриднинг “Атлетико”сида қолмоқчи.
Испаниялик футболчининг клуб билан шартномаси 2024 йилгача мўлжалланган. Шартномада 20 ёки 30 миллион еврога сотиб олиш имконияти кўрсатилган.
“Милан” вазиятни кузатиб бормоқда – ҳужумчига италияликлар қизиқиш билдирмоқда.
Аввалроқ “Ювентус”да ўйнаган Мората ўтган мавсумда “Атлетико” сафида 45 ўйинда майдонга тушиб, 15 та гол урди.