Эдуардо Камавинга "Реал" билан янги шартнома имзолайди.
20 ёшли ярим ҳимоячи Мадрид клуби билан шартномасини 2028 йилгача узайтиришга рози бўлди.
Янги шартномада футболчининг маошини сезиларли даражада ошириш кўзда тутилган. Франциялик футболчининг келишувидаги товон пули миллиард еврони ташкил қилади.
Бундай шартнома тафсилотлари бутун мавсум давомида ишлаб чиқилган ва барча келишувларга яқинда эришилган.
Камавинга 2021 йилда 40 миллион евро эвазига "Ренн"дан "Реал"га ўтган эди.
Футболчи ўтган мавсумда "Реал" сафида Ла Лигада 37 та ўйинда майдонга тушди.
