Журналист Фабрицио Романонинг хабар беришича, "Арсенал" тез орада "Челси" ярим ҳимоячиси Кай Хаверц билан шартнома имзолаганини эълон қилади.
24 ёшли германиялик барча керакли ҳужжатларни 26 июнь, душанба куни имзолади. Трансфер суммаси 75 миллион еврони ташкил қилади.
Хаверц "Челси"га 2020 йилнинг сентябрида келиб қўшилганди. 2022/23 йилги мавсумда ярим ҳимоячи жамоа сафида барча мусобақаларда 47 та ўйинда майдонга тушиб, 9 та гол урди ва 1 та голли узатмани амалга оширди.
Transfermarkt.com портали футболчининг нархини 55 миллион еврога баҳоламоқда.