Jurnalist Fabrisio Romanoning xabar berishicha, "Arsenal" tez orada "Chelsi" yarim himoyachisi Kay Xavers bilan shartnoma imzolaganini e’lon qiladi.
24 yoshli germaniyalik barcha kerakli hujjatlarni 26 iyun, dushanba kuni imzoladi. Transfer summasi 75 million yevroni tashkil qiladi.
Xavers "Chelsi"ga 2020 yilning sentyabrida kelib qo‘shilgandi. 2022/23 yilgi mavsumda yarim himoyachi jamoa safida barcha musobaqalarda 47 ta o‘yinda maydonga tushib, 9 ta gol urdi va 1 ta golli uzatmani amalga oshirdi.
Transfermarkt.com portali futbolchining narxini 55 million yevroga baholamoqda.