Мюнхеннинг “Бавария” клуби сафида Садио Мане биринчи марта жамоадоши Лерой Сане билан жанг ҳақида фикр билдирди.
“Бу содир бўлиши мумкин бўлган воқеа. Аммо биз бу кичик муаммони ҳал қила олдик. Баъзан келишмовчиликларни ҳал қилиш яхши, лекин бу йўл билан эмас. Энди ҳаммаси ортда қолди. Биз клубга келаси мавсумда муваффақият қозониш учун биргаликда курашишда давом этамиз", - дея сенегаллик ҳужумчининг сўзларини келтиради Daily Mail.
Эслатиб ўтамиз, Мане Чемпионлар лигасида "Манчестер Сити"дан мағлуб бўлганидан кейин кийиниш хонасида Саненинг юзига зарба берганди.
Садио ўтган мавсумда Бундеслигада 25 та ўйинда майдонга тушиб, 7 та гол ва 5 та голли узатмага муаллифлик қилган.
