Myunxenning “Bavariya” klubi safida Sadio Mane birinchi marta jamoadoshi Leroy Sane bilan jang haqida fikr bildirdi.
“Bu sodir bo‘lishi mumkin bo‘lgan voqea. Ammo biz bu kichik muammoni hal qila oldik. Ba’zan kelishmovchiliklarni hal qilish yaxshi, lekin bu yo‘l bilan emas. Endi hammasi ortda qoldi. Biz klubga kelasi mavsumda muvaffaqiyat qozonish uchun birgalikda kurashishda davom etamiz", - deya senegallik hujumchining so‘zlarini keltiradi Daily Mail.
Eslatib o‘tamiz, Mane Chempionlar ligasida "Manchester Siti"dan mag‘lub bo‘lganidan keyin kiyinish xonasida Sanening yuziga zarba bergandi.
Sadio o‘tgan mavsumda Bundesligada 25 ta o‘yinda maydonga tushib, 7 ta gol va 5 ta golli uzatmaga mualliflik qilgan.
