Каталониянинг «Барселона» клуби ўз уйида катта қийинчиликлар эвазига «Селтик»ни мағлубиятга учратди.

Каталонияликлар аввалига ўз дарвозаларидан тўп олиб чиқишганди. Меҳмонларнинг грециялик легионери Гиоргиос Самарас ҳисобни очган бўлса, биринчи бўлимнинг сўнгги дақиқасида Андрес Иньеста ҳисобдаги фарқни йўққа чиқарди.

Иккинчи бўлимда каталонияликлар 45 дақиқа ва қўшимчасига ҳакам қўшиб берган 4 дақиқанинг учтасида ҳам шотландлар дарвозасига йўл топа олишмади. Фақатгина ҳакам томонидан қўшиб берилган 4-дақиқада Хорди Альба «Барселона» жонига оро кирувчи голни киритди ва жамоага ўта қийин  ва муҳим ғалабани тақдим этди.

G гуруҳи
3-тур

БАРСЕЛОНА Испания – СЕЛТИК Шотландия 2:1 (1:1)
Голлар: Иньеста (45), Альба (90+4) – Самарас (18).
Барселона: Вальдес, Адриано, Бартра, Маскерано, Альба, А.Сонг, Хави, Иньеста, Санчес (Вилья, 80), Месси, Педро (Тельо, 76).
Селтик: Форстер, Люстиг, Уилсон, Эмброуз, Изагирре, Ваньяма, Браун (Коммонс, 63), Ледли, Самарас (Форрест, 43), Малгрю (Кайяль, 76), Хупер.
Огоҳлантиришлар: Маскерано (71), Адриано (80), Форрест (90).

Спартак Россия – Бенфика Португалия 2:1 (2:1, 0:0)
Голлар: 1:0 – 3 Кариока, 1:1 – 33 Лима, 2:1 – 43, автогол Жардел.

Қаналик мураккаб учрашувларни ўтказмасин, «Барселона» турнир жадвалида яққол етакчиликни ўз қўлига олган. «Селтик» мағлубиятга қарамай иккинчи ўриндаги мавқеини сақлаб қолди. Кейинги турда гуруҳда дастлабки плей-офф йўлланмаси аниқ бўлиши мумкин.