Туриннинг "Ювентус" клуби бош мураббий Массимилиано Аллегри билан келишмовчилик туфайли жамоани тарк этиши мумкин бўлган ҳужумчи Федерико Кьезанинг ўрнига номзод топди.
Repubblica хабарига кўра, "кекса сенёра" "Сассуоло"нинг ҳужумкор ярим ҳимоячиси Доменико Берардини сотиб олишни кўриб чиқмоқда.
Италиялик футболчи узоқ вақтдан бери топ-клубларнинг радарига тушиб қолган, аммо ҳозирча унинг трансферини ҳеч ким тартибга сола олмади. Аввалроқ, Берардига "Лацио" томонидан қизиқиш борлиги ҳақида миш-мишлар тарқалган эди, бироқ Маурицио Сарри жамоаси ҳозирча аниқ ҳеч нарса таклиф қилмаган.
28 ёшли Берарди ўтган мавсум А Серияда 12 та гол урди ва 7 та голли узатмани амалга оширди.
