"Вильярреал" ярим ҳимоячиси Даниэль Парехо "Барселона" бош мураббийи Хави Эрнандеснинг трансфер мақсади бўлиб қолмоқда.

Серхио Бускетс билан хайрлашганидан сўнг, каталонияликлар марказ зонасини кучайтириши керак. Журналист Давид Бернабеунинг сўзларига кўра, Хавига Парехонинг номзоди ёқади, бироқ "кўк-анорранглилар" раҳбарияти 34 ёшли ярим ҳимоячининг трансферини маъқулламайди, чунки улар Данини жуда кекса деб ҳисоблайди. Клуб этиборни ёш футболчиларга қаратишни афзал кўради.

Даниэль Парехонинг "Вильярреал" билан шартномаси бир йилдан кейин тугайди. Ўтган мавсумда у "сариқ сув ости кемаси" учун барча мусобақаларда 50 та ўйин ўтказиб, учта гол ва олтита голли узатма муаллифига айланди.