Франциянинг «ПСЖ» клуби Португалиянинг «Порту» клуби яримҳимоячиси Жоау Моутиньо учун курашда фаворит саналмоқда. Бу ҳақда «Goal.com» нашри хабар тарқатди.
Манбада кўрсатилишича, футболчи январда охир-оқибат француз клубига ўтадиган бўлиб турибди. Унга 150 минг фунт ҳафталик маош тўланиши лозим бўлади. Трансфер суммаси эса тахминан 30 миллион фунт стерлинг атрофида бўлиши тахмин қилинмоқда.
Олдинроқ футболчининг 22 миллион фунт стерлинг эвазига «Тоттенҳэм»га ўтиши кутилганди, аммо Лондон клуби бу борада молиявий имкониятлари етмаслигини ҳисобга олиб бу қароридан воз кечганди.
Шунингдек футболчини Россиянинг «Зенит» клуби ҳам сотиб олиши мумкин. Улар катта эҳтимол билан Франция клуби таклифини такрорлашади. Жамоани танлаш эса Моутиньо ва унинг вакилларида қолади.