Мадриднинг “Реал” клуби Франция ва “ПСЖ” ҳужумчиси Килиан Мбаппенинг ўйинларини қанча вақтдан бери кузатиб келаётгани маълум бўлди.
Mundo Deportivo хабарига кўра, "қироллик" клуби футболчининг фаолиятини 2015 йилдан, яъни у "Монако" сафида эндигина порлашни бошлаган пайтдан бери кузатиб келади.
2017 йилда Мадрид гранди бу клубга 160+20 миллион евро миқдоридаги таклиф билан чиққанди. Аммо кейин "ПСЖ" музокараларга аралашиб, бу жараённи тўхтатди ва унинг учун катта пул тўлади. Ўшандан бери Килиан Париж жамоасининг шарафини ҳимоя қилиб келади.
Ҳужумчининг "ПСЖ" билан амалдаги шартномаси келаси ёзда якунига етади. Аввалроқ, ҳужумчи парижликлар билан меҳнат шартномасини узайтирмаслигини айтганди.













