“Ливерпуль” ҳужумчиси Фабио Карвалью “Лейпциг”га ижара асосида ўтишини якунлаш учун Германияга етиб борди. Инсайдер Фабрицио Романо хабарига кўра, португалиялик тез орада тиббий кўрикдан ўтади ва шартнома имзолайди.

Эслатиб ўтамиз, Карвальюнинг ижара шартномасида “Лейпциг” уни сотиб олиш вариантини ўз ичига олмаган. Илгари немис жамоаси тўлиқ трансферни ташкил қилмоқчи эди, аммо мерсисайдликлар бунга кескин қаршилик қилди.

Англия Премьер-лигасининг сўнгги мавсумида Карвалью 13 ўйинда иккита гол урди.