"Астон Вилла"га тегишли бўлган бразилиялик ярим ҳимоячи Филиппе Коутиньо фаолиятини Туркия чемпионатида давом эттириш имкониятига эга. Бу ҳақда DeadlineDay хабар бермоқда.
Манбага кўра, футболчини "Бешиктош" ўз сафига қўшиб олмоқчи. Туркия гиганти раҳбарияти жанубий америкалик футболчини бир мавсумга ижарага олмоқчи, кейин уни саккиз миллион еврога сотиб олиш имкониятини қўшмоқчи.
Коутиньо ўтган ёздан бери “Астон Вилла”да тўп тепмоқда. Томонлар ўртасидаги меҳнат шартномаси муддати 2026 йилнинг ўрталаригача ҳисобланади. 31 ёшли бразилияликнинг трансфер нархи ўн миллион еврога баҳоланмоқда.













