"Ювентус" ярим ҳимоячиси Адриен Рабьо футболчининг агенти бўлган онасининг молиявий илтимослари туфайли "Манчестер Юнайтед"га ўтмади, деб хабар беради La Gazette Dello Sport.
Манбага кўра, Рабьонинг онаси ўғли учун мавсумига 10 миллион евро маош + 10 миллион имзо мукофоти билан уч йиллик шартнома сўраган.
Англия жамоаси бундай шартларни қабул қилишга тайёр эмас эди ва шунинг учун ярим ҳимоячи Турин клуби билан шартномани узайтирди.
Рабьо 2019 йилдан бери “Кекса синьора” сафида ўйнаб келмоқда. Унинг ҳисобида 177 ўйин, 17 гол ва 12 голли узатма. У 2019/20 йилги мавсумда "Ювентус" билан Италия чемпионлигини қўлга киритди.
