Махачқалъанинг «Анжи» клуби яримҳимоячиси Жусилей Европа Лигасининг «Ливерпуль»га қарши учрашувини ўтказиб юборади. Бу ҳақда «Спорт-Экспресс» нашри хабар тарқатмоқда.

Манбанинг маълум қилишича, футболчи оилавий муаммолари сабаб клубни вақтинчалик тарк этган ва учрашувга қадар жамоага қўшилиши учун имконияти деярли йўқ.

Бундай ҳолатда махачқалъаликлар бирорта ҳам таянч яримҳимоячилар хизматидан фойдалана олмайди. Олдинроқ Лассана Диарра жароҳати сабаб икки ой муддатга сафдан чиққанди. Одил Аҳмедов эса жароҳатидан қутулган бўлсада, майдонга тушишга тайёр эмас, деб ёзмоқда юқорида номи келтирилган манбада.

Эслатиб ўтамиз, «Ливерпуль» ва «Анжи» жамоалари учрашуви эртага аниқроғи индинга ўтар кечаси Тошкент вақти билан 00:05да бошланади.