"Лестер" ҳужумчиси Жейми Варди "Ал-Ҳалиж"нинг таклифини рад этди, деб хабар беради Sky Sports.
Манбага кўра, 36 ёшли инглиз бу жамоага ўтишдан дарҳол бош тортган, чунки Саудия Арабистонига кўчиб ўтиш ўзига ва оиласига фойда келтирмаслигига ишонган.
Варди 2012 йил июлидан бери “Лестер Сити”да тўп тепади ва 2022/23 йилги мавсумда “тулкилар” сафида барча мусобақаларда 42 та ўйинда майдонга тушиб, 6 та гол урди ва 5 та голли узатмани амалга оширди.
Футболчининг клуб билан шартномаси 2024 йилнинг июнь ойи охиригача амал қилади.