"Лацио" ярим ҳимоячиси Лука Ромеро фаолиятини "Милан"да давом эттиради. Бу ҳақда инсайдер Фабрицио Романо хабар берди.
Манбага кўра, эркин агент мақомидаги 18 ёшли аргентиналик футболчи "Милан" билан 4 йиллик шартнома имзолайди. Ромеронинг "Лацио" билан шартномаси июнь ойи охирида тугайди.
2022/23 йилги мавсумда Ромеро римликлар сафида барча турнирларда 12 та ўйинда майдонга тушиб, битта гол урган. Transfermarkt портали ҳужумчининг нархини 3 миллион еврога баҳоламоқда.