"Барселона" президенти Жоан Лапорта Каталония клуби ярим ҳимоячи Френки де Йонгни 100 миллион еврога сотишдан бош тортганини айтди.
"Ўтган йили Френки де Йонг учун 100 миллион евролик таклиф олган эдик, аммо биз уни сотмасликни маъқул кўрдик. Бозорда бўлмаслиги керак бўлган айрим ўйинчилар бор", - деди Лапорта TV3 телеканалида.
26 ёшли нидерландиялик футболчи каталонияликлар сафида 2019 йилдан буён ўйнаб келмоқда. 2022/23 йилги мавсумда у барча мусобақаларда 43 та ўйинда майдонга тушиб, 2 та гол урди ва 4 та голли узатмани амалга оширди.
