Бельгиялик машҳур ярим ҳимоячи Ража Наингголан фаолиятини Сан-Марино чемпионатида давом эттириши мумкин. Сан-Марино РТВ хабарига кўра, футболчининг хизматларига "Ла Фиорита" клуби қизиқиш билдирмоқда.
Томонлар музокаралар олиб боришди ва келишувга яқин. Наингголан янги жамоага эркин агент сифатида қўшилади. Ўтган мавсумда "Ла Фиорита" Сан-Марино чемпионатининг кумуш медали соҳибига айланди.
Ўтган мавсумнинг иккинчи қисмида ярим ҳимоячи Италиянинг "СПАЛ" клубида ўйнади. Наингголан ўнта ўйинда қатнашиб, битта гол ва иккита голли узатмани амалга оширди.