"Бавария" Жоау Канселу ва Дейли Блинднинг кетишини эълон қилди.

Канселу қишки трансфер ойнасида "Бавария"га "Манчестер Сити"дан 70 миллион еврога сотиб олиш шарти билан ижарага олинганди. Мюнхен клуби сотиб олиш опциясини фаоллаштирмади. Ҳимоячи "Манчестер Сити"га қайтди.

Блинд январь ойида "Аякс"дан "Бавария"га текинга келиб, мавсум охиригача шартнома имзолаганди. Мюнхен клуби у билан шартномани узайтирмасликка қарор қилди.

Канселу "Бавария" сафида Бундеслигада 15 та ўйинда майдонга тушиб, 1 та гол урди ва 4 та голли узатмани амалга оширди.

Блинд "Бавария" сафида Бундеслигада 4та ўйин ўтказиб, гол урмаган.