RMC Sport нашри хабарига кўра, Франческо Фариоли "Ницца"нинг янги бош мураббийига айланади.
Манбага кўра, шартнома шу жума куни имзоланиши кутилмоқда. У бу лавозимда Дидье Дигарни алмаштириши керак.
34 ёшли Фариоли 2017/18 йилги мавсумда "Беневенто"да Роберто Де Зербининг дарвозабонлар мураббийи бўйича ёрдамчиси бўлган. 2021 йилнинг март ойида Туркия Суперлигаси клуби "Фотиҳ Карагумрук" бош мураббийи этиб тайинланганди. 31 ёшида у шартнома имзоланган пайтда Европанинг профессионал лигасидаги энг ёш футбол мураббийи эди. Кейин 2021 йилнинг декабридан 2023 йилнинг февралигача «Аланяспор»ни бошқарган.
