"Рома" бош мураббийи Жозе Моуриньо ўзи аввал "Манчестер Юнайтед"да бирга ишлаган ярим ҳимоячи Фредни жамоасига ўтишини истамоқда. Бу ҳақда The Sun ўз саҳифаларида хабар беради.
Қайд этилишича, Эрик тен Хаг Фредни йўқотишни истамайди, аммо кўпроқ ўйнаш имконияти футболчининг трансферига ҳисса қўшиши мумкин.
Фред 2018 йилнинг ёзидан Украинанинг "Шахтёр" клубидан ўтганидан кейин "Манчестер Юнайтед"да тўп тепмоқда. Ўшандан бери ярим ҳимоячи "қизил иблислар" сафида 213 та расмий ўйин ўтказиб, 14 та гол ва 19 та голли узатмага муаллифлик қилган.