"Roma" bosh murabbiyi Joze Mourinyo o‘zi avval "Manchester Yunayted"da birga ishlagan yarim himoyachi Fredni jamoasiga o‘tishini istamoqda. Bu haqda The Sun o‘z sahifalarida xabar beradi.
Qayd etilishicha, Erik ten Xag Fredni yo‘qotishni istamaydi, ammo ko‘proq o‘ynash imkoniyati futbolchining transferiga hissa qo‘shishi mumkin.
Fred 2018 yilning yozidan Ukrainaning "Shaxtyor" klubidan o‘tganidan keyin "Manchester Yunayted"da to‘p tepmoqda. O‘shandan beri yarim himoyachi "qizil iblislar" safida 213 ta rasmiy o‘yin o‘tkazib, 14 ta gol va 19 ta golli uzatmaga mualliflik qilgan.