28 октябрь куни “Насаф” жамоаси сафарда Олий лига 24-тур доирасида Фарғонанинг “Нефтчи” жамоасининг меҳмони бўлади. Ушбу жамоалар ўртасидаги биринчи давра учрашувида Юрий Саркисян шогирдлари Қаршида Усмон Тошев шогирдларини 1:2 ҳисобида мағлуб этишган эди.
Биринчи даврадаги мана шу мағлубият “Насаф” жамоасининг жорий йил чемпионатимиздаги биринчи мағлубияти сифатида тарихдан жой олди.
Шунингдек, “Насаф” ўз тарихида илк Олий лигадаги учрашувини ҳам 1997 йил айнан ушбу жамоага қарши ўз майдонида ўтказган. Ва “Насаф” ўзининг Олий лигадаги дебьют учрашувида, Юрий Саркисян шогирдларидан 0:3 ҳисобида биринчи мағлубият аламини тортиб кўришган.
Cтатистика маълумотлари:
Жамоалар ўртасидаги жами учрашувлар: 31 марта
Ушбу учрашувлардаги “Нефтчи”нинг ғалабалари: 15 марта
“Насаф”нинг ғалабалари: 10 марта
Ўзаро дуранг натижалар: 6 марта
Тўплар нисбати “Нефтчи”-“Насаф” - 44:40
Энг йирик ҳисоблар: 1999 йил 23 май “Нефтчи”-“Насаф” - 4:0, 2003 йил 23 август
“Насаф” – “Нефтчи” – 4:1
Бу жамоаларнинг охирги учрашуви 5 июнь куни Қарши шаҳрида биринчи давра 3-турида ўтказилиб, унда 1:2 ҳисобида “Нефтчи” ғалаба қозонган эди.
24-турда “Нефтчи” – “Насаф” қарама-қаршилигининг ўттиз иккинчи туқнашуви, Фарғонада бўлади. Бу ўйинда ҳар иккала жамоа учун ғалаба бирдек зарур.
Эслатиб ўтамиз, ўйин 28 октябрь куни Фарғона шаҳрида бўлади, учрашув бошланиш вақти 15:00да. Қани кўрамиз, кейинги пайтларда мухлислар ҳафсаласини бутунлай пир қилган Усмон Тошев навбатдаги учрашувда жамоамизни ғалаба сари етаклай оладими?
ПФЛ 24-тур. 28 октябрь (якшанба)
“Нефтчи” (Фарғона) – “Насаф” (Қарши)
Ҳакамлар: В. Коваленко (Тошкент), Р. Серазетдинов (Тошкент), Т. Абдуллаев (Тошкент), Д. Каримов (Тошкент).
Назоратчи: В. Штерн (Тошкент).
Энди ушбу жамоалар ўртасида бўлиб ўтган охирги икки учрашувни натижасини эслатиб ўтамиз.
2011 йил 9 октябрь
“Нефтчи” – “Насаф” 1:1
Голлар: Бердиев Анвар, 55, Геворкян Артур, 74
2012 йил 05 июнь, ПФЛ 3-тур
“Насаф”-“Нефтчи” 1:2 (1:1)
Голлар: Иван Бошкович 7- 1:0, Отабек Исроилов 9-1:1, Шерзоджон Ҳакимов 83-1:2
