"Бавария"га тегишли бўлган нидерландиялик ярим ҳимоячи Райан Гравенберх Германия чемпионатини Италия А Сериясига ўзгартириши мумкин. Bayern & Germany хабарига кўра, "Милан" ярим ҳимоячи хизматларига қизиқиш билдирмоқда.
"Россонерилар" раҳбарияти аллақачон немис гранди вакиллари билан музокарага киришган ва футболчини трансфер қилиш таклифини билдирган. "Бавария" ҳали "Милан"га жавоб бермади.
Райан "Бавария"га 2022 йилнинг ёзида кўчиб ўтганди. У билан 2027 йилнинг ўрталаригача ҳисобланган узоқ муддатли меҳнат шартномаси имзоланди. Унинг трансфер нархи 30 миллион евро.