Нидерландия терма жамоаси ва Роттердамнинг "Фейеноорд" клуби дарвозабони Жастин Бейло фаолиятини Англия Премьер-лигасида давом эттириш имкониятига эга.
Goal.com портали хабарига кўра, испаниялик Давид де Хеа билан шартномани узайтира олмаётган "МЮ" эътиборини бошқа дарвозабонга қаратмоқда.
Аввалроқ Миланнинг "Интер" клуби дарвозабони Андре Онана "манкунианликлар" сафига ўтиши мумкинлиги ҳақида хабар берилганди, бироқ ҳозирда келишув бузилиб кетиш арафасида. Шу сабабли “қизил иблислар” муқобил вариантларни излай бошлади.
Нидерландия чемпионатининг сўнгги мавсумида Бейло 25 та ўйин ўтказиб, 19 та гол ўтказиб юборган. Жастин 12 учрашувда дарвозани дахлсиз сақлаб қолган.
