Австриялик мутахассис Адольф Хюттер Франция чемпионатида иш бошлаши мумкин. Footmercato нашри хабарига кўра, 53 ёшли мураббий "Монако" бошқаруви учун асосий даъвогар ҳисобланади.
Хюттер Менхенгладбахнинг "Боруссия" клубини тарк этганидан кейин ҳозирда ишсиз. У ўтган ёзда немис жамоасини тарк этганди. Бунгача Адольф «Айнтрахт», «Янг Бойз», «Зальцбург» ва бошқа жамоаларда ишлаган.
Эслатиб ўтамиз, "монегаскликлар" июнь ойи бошида Филиппе Клемен истеъфога чиқарилганидан кейин бош мураббийсиз қолганди. "Монако" ўтган мавсумда турнир жадвалида олтинчи ўринни эгаллаганди.