Avstriyalik mutaxassis Adolf Xyutter Fransiya chempionatida ish boshlashi mumkin. Footmercato nashri xabariga ko‘ra, 53 yoshli murabbiy "Monako" boshqaruvi uchun asosiy da’vogar hisoblanadi.

Xyutter Menxengladbaxning "Borussiya" klubini tark etganidan keyin hozirda ishsiz. U o‘tgan yozda nemis jamoasini tark etgandi. Bungacha Adolf «Ayntraxt», «Yang Boyz», «Zalsburg» va boshqa jamoalarda ishlagan.

Eslatib o‘tamiz, "monegaskliklar" iyun oyi boshida Filippe Klemen iste’foga chiqarilganidan keyin bosh murabbiysiz qolgandi. "Monako" o‘tgan mavsumda turnir jadvalida oltinchi o‘rinni egallagandi.