"Интер" бош директори Жузеппе Маротта Марсело Брозовичнинг "Ан-Наср"га ўтиши бўйича музокараларнинг бориши ҳақида ўз фикрлари билан ўртоқлашди.
Саудия Арабистони чемпионати вакиллари хорватиялик ярим ҳимоячини қўлга киритиш борасидаги уринишларини давом эттирмоқда. Сўнгги маълумотларга кўра, музокаралар давом этмоқда, аммо "Интер" 30 ёшли футболчи учун "Ан-Наср" таклиф қилганидан бироз кўпроқ маблағ талаб қилмоқда.
"Вазият очиқ ва ноаниқлигича қолмоқда, аммо Брозовичнинг ўзи ҳал қилувчи қарорни қабул қилади. Биз уни сотиш мажбуриятимиз йўқ ва агар вазият маълум муддатгача ҳал этилмаса, биз уни сотилиши мумкин бўлган футболчилар рўйхатидан олиб ташлаймиз", - деди Маротта SportItalia нашрига берган интервьюсида.
