"Лион" вингери Бредли Баркола "ПСЖ"га ўтиши мумкин.
20 ёшли футболчига Франциянинг амалдаги чемпионидан қизиқиш борлиги яқинда нуфузли манбалар томонидан тасдиқланган.
Журналист Фабрис Хокинснинг ёзишича, Барколанинг трансферини парижликларнинг янги бош мураббийи Луис Энрике маъқуллаган. Қайд этилишича, "ПСЖ" сўнгги ҳафталарда ўсиб бораётган юлдуз билан шартнома имзолаш имкониятларини фаол ўрганиб чиқди, бироқ "Лион" футболчини сотишни режалаштирмаяпти.
Бредли Баркола Лига 1нинг сўнгги мавсумида 26 та ўйинда майдонга тушиб, 5 та гол ва 9 та голли узатмани амалга оширди. Transfermarkt портали унинг нархини 18 миллион еврога баҳоламоқда.
