Мадриднинг "Атлетико" клуби ярим ҳимоячиси Томас Лемар фаолиятини Туркияда давом эттириши мумкин.
Франциялик футболчи ўтган мавсумда ҳар доим ҳам "матрасчилар"нинг асосий таркибига кира олмади, шунинг учун у янги мавсумни бошқа жойда бошлаши мумкин.
Diario AS нашри хабарига кўра, 27 ёшли футболчини "Фенербахче" ўз сафига қўшиб олмоқчи. Турк клуби бир йиллик ижарага беришни кутмоқда. Музокаралар келаси ҳафта бошланиши кутилмоқда.
Томас Лемар 2018 йилда “Монако”дан 72 миллион евро эвазига “Атлетико”га ўтган эди. Transfermarkt портали ҳужумкор ярим ҳимоячининг ҳозирги нархини 22 миллион еврога баҳоламоқда.
