Ҳозирда "Барселона"да Ла Лигада атиги 13 нафар футболчи рўйхатдан ўтган.
Ҳозирда фақатгина Марк-Андре тер Штеген, Жюль Кунде, Эрик Гарсия, Андреас Кристенсен, Педри, Гави, Франк Кессиэ, Френки де Йонг, Ферран Торрес, Ансу Фати, Роберт Левандовски, Усмон Дембеле ва Рафинья Диас рўйхатга олинган.
"Барса" ҳали Иньяки Пенья, Рональд Араухо, Маркос Алонсо, Серхи Роберто, Алекс Бальде ва янги келган Илкай Гюндоганни лигада рўйхатдан ўтказмаган.
Аввалроқ "Барса" директорлар кенгаши Ла Лигага йиллик 6,67 миллион евро молиявий кафолат беришга рози бўлганди. Бу клубнинг амалдаги футболчилари билан шартномаларни узайтиришни расмийлаштириш имконини беради.
Бироқ, бу янги келганларни рўйхатдан ўтказиш учун етарли эмас - бунинг учун жамоа шартномаларни бекор қилиши ёки ўйинчиларни сотиши керак бўлади.
