"Рома" ҳимоячиси Рожер Ибаньес А Серияни Англия Премьер-лигасига ўзгартириши мумкин.

Corriere dello Sport нашри хабарига кўра, футболчининг хизматларига "Астон Вилла" клуби қизиқиш билдирмоқда.

Инглиз клуби раҳбарияти 24 ёшли футболчи борасида Рим клубига расмий таклиф юбормоқчи. "Бўрилар" ўз футболчисини 25-30 миллион еврога баҳоламоқда.

Бразилиялик футболчи 2021 йилнинг ёзидан буён Рим жамоасида ўйнамоқда. Унинг клуб билан шартномаси 2025 йилнинг июнь ойи охиригача амал қилади.

Италия чемпионатининг сўнгги мавсумида Ибаньес 33 та ўйин ўтказиб, 3 та гол урди, 9 та сариқ карточка олди ва бир марта майдондан четлатилди.