"Аталанта" ярим ҳимоячиси Тон Копмейнерс Англия ва Италиянинг бир қатор клублари қизиқиш доирасига тушган.
Footmercato журналистларининг ёзишича, А серияда "Интер", "Наполи" ва "Ювентус" голландиялик футболчини ўз сафига қўшиб олмоқчи. Туманли Албионда унинг хизматларига "Брайтон" ва "Астон Вилла" қизиқиш билдирмоқда.
Копмейнерс ўтган мавсумда муваффақиятли ўйини билан эътиборни тортди. У А Серияда 33 та ўйинда майдонга тушиб, 10 та гол ва 4 та голли узатмага муаллифлик қилган.
"Аталанта" ярим ҳимоячи учун 35 миллион евро сўрамоқда. Ярим ҳимоячининг Бергамо клуби билан шартномаси 2025 йилнинг ўрталарига қадар тузилган.