"Манчестер Сити" ҳимоячиси Жоау Канселу Англия премьер-лигасининг яна бир топ-клуби эътиборини тортди.
Kicker хабарига кўра, португалиялик футболчи "Арсенал"нинг трансфер рўйхатида биринчи ўринда туради.
Хабарларга кўра, Канселу "канонирлар" учун жуда мос келади. Муқобил вариант сифатида лондонликлар “РБ Лейпциг”дан Бенжамин Хенрикс ва “Галатасарой”дан Саша Боэни кўриб чиқмоқда.
Эслатиб ўтамиз, Жоау Канселу ўтган мавсумнинг иккинчи ярмини "Бавария"да ўтказган, бироқ "қизиллар" футболчини сотиб олишдан бош тортган эди. Transfermarkt 29 ёшли ҳимоячини 50 миллион еврога баҳоламоқда.
