“Интер” ярим ҳимоячиси Марсело Брозович фаолиятини “Ан-Наср”да давом эттиради, деб хабар беради Саудия клуби матбуот хизмати.
Олдинроқ 30 ёшли хорватиялик 2026 йилгача мўлжалланган шартнома имзолаши ҳақида хабар берилганди.
Брозович "Интер"да 2016 йилдан буён ўйнаб келаётган эди. У “нерадзуррилар” сафида 330 та ўйинда майдонга тушиб, 31 та гол урган ва 43 та голли узатмани амалга оширган. "Интер" таркибида ярим ҳимоячи Италия чемпиони бўлди ва икки марта мамлакат кубоги ва Суперкубогини қўлга киритди.
