Машҳур инглиз мутахассиси Рой Хожсон келаси мавсум охиригача “Кристал Пэлас” бошқарувида қолишга рози бўлди.
75 ёшли мутахассис билан шартнома узайтирилгани расман Премьер-лига клуби сайти ва ижтимоий тармоқларда эълон қилинган.
"Мен "Кристал Пэлас" устози бўлиб қолганимдан фахрланаман ва директорлар кенгаши раиси ва спорт директорига менга бўлган чексиз ишончлари учун миннатдорчилик билдираман", - деди Хожсон клуб матбуот хизматига.
Эслатиб ўтамиз, Рой Хожсон жорий йилнинг март ойидан бери "Кристал Пэлас"ни бошқариб келмоқда. Унинг қўл остида "бургутлар" сўнгги мавсумда 11-ўринни эгаллади.
