"Барселона"нинг собиқ ярим ҳимоячиси Андрес Иньеста жамоанинг ҳозирги юлдузи Педри ҳақида қандай фикрда эканлигини айтди.
20 ёшида жамоа сафида 109 та ўйин ўтказган "кўк-анорранглилар" ярим ҳимоячиси Иньеста билан тез-тез таққосланади.
"Педри ҳали жуда ёш, лекин у аллақачон жамоанинг асосий фигураси. Унинг майдонга қўшган ҳиссаси жуда муҳим ва унинг ривожланиши келажакда ҳам давом этиши шубҳасиз. Педри ҳали ўзининг юқори чўққисига чиқмаган ажойиб жамоада ўйнамоқда. Ишончим комилки, кейинги мавсумда у яна энг юқори савияни намойиш этади", - деди “Виссел Кобе” билан шартнома муддати тугаганидан кейин эркин агентга айланган 39 ёшли Иньеста DAZN нашрига берган интервьюсида.
