Жоан Лапорта "Барселона"нинг қарзини камайтириш режаларини ошкор қилди.
"Келгуси йил осон бўлмайди. Биз “Камп Ноу”нинг ярмига тенг бўлган янги стадионга кўчиб ўтмоқдамиз. Бу даромаднинг қисқаришига олиб келади, аммо биз янги ҳомийлар топиш орқали йўқотишнинг ўрнини қоплашга ҳаракат қилмоқдамиз.
Кейинги мавсум учун ҳомийлик бюджети аллақачон 95 фоизга шаклланган, аммо биз бундан ҳам кўпроқ даромад олишимиз мумкин.
Биз стадион бюджетини ва кутилмаган харажатларни қисқартирмоқчимиз, аслида бу содир бўлмоқда.
Биз айтганимиздек, 1,1 миллиард евро бўлган қарз миқдорини камайтириш устида қаттиқ ишлаяпмиз. Ўйлайманки, агар ҳаммаси яхши бўлса, 960 миллион ёки ҳатто 930 миллионлик маррани забт этамиз”, — деди "Барселона" президенти.
