Суперлига 8-турнинг қолдирилган ўйинида ўз майдонида «Турон» билан дуранг қайд этган «Металлург» жамоаси ёрдамчи мураббийи Илёсжон Қурбонов жамоасига нима этишмагани, бош мураббий, майдонга туша олмаган футболчилар ва келгуси режалар ҳақида ўз фикрини билдирди.

“Бугун қийин ўйини кечишини билгандик. Рақиб учун ҳам бу ҳаёт-мамот баҳси эди. Шу боис, баҳс анча қийин кечди. Бугун бизга сўнгги нуқтани қўядиган ўйинчи этишмади. Биринчи бўлиб гол уриб олганимизда ўйин бошқача тарзда кечарди. Аммо, буни уддалай олмадик. Балки йигитларга маҳорат этишмагандир, билмайман”, - деди мураббий.

“Бугун ўйинга туша олмаган футболчиларнинг ўрни билинди деб айта олмайман. Уларнинг ўрни билинмади. Таркибда бошқа футболчилар ҳам бор. Уларда ҳам этарли тажриба бор”.

“Иккинчи даврага бошқа кайфиятда тайёргарлик кўрамиз. Иккинчи давра бошида биз «Нефтчи» ва «Навбаҳор» каби кучли жамоаларга қарши майдонга тушамиз. Ҳар ўйинда гол ўтказиб юбораяпмиз, шунинг учун ҳимояни мустаҳкамлашимиз керак”.

“Мавсум оралиғида жамоани кучайтиришимиз керак. Бу борада раҳбарият ишлаяпти. Иккинчи даврада иккита-учта чизиқларга янги футболчилар олишни режалаштираяпмиз. Ҳимояда оқсаяпмиз ва шу боис айнан шу чизиққа футболчи олишимиз керак”.