"Ковентри" ҳужумчиси Виктор Дьокереш бошқа жамоага ўтиши мумкин, дея хабар беради журналист Фабрицио Романо.
Манбанинг хабарига кўра, 25 ёшли швед футболчисига "Спортинг" даъвогарлик қилмоқда. Шартнома шу ҳафта якунланиши мумкин.
2022/23 йилги мавсумда Дьокереш "Ковентри" сафида барча мусобақаларда 50 та ўйинда майдонга тушиб, 22 та гол урди ва 12 та голли узатмани амалга оширди. Transfermarkt.com портали футболчининг нархини 13 миллион еврога баҳоламоқда.