"Наполи" ҳужумчиси Виктор Осимхен шартномасини узайтиришга яқин турибди, дея хабар беради Football Italia.
Манба берган хабарга кўра, томонлар футболчининг маоши ва товон пули миқдорини ошириш бўйича муросага келишган. Шу билан бирга, ҳужумчини сотиб олмоқчи бўлган клубларнинг ҳеч бири "Наполи"га 120 миллион евро таклиф қилишга тайёр эмас.
24 ёшли Осимхен ўтган мавсумда "Наполи" сафида барча турнирлар доирасида 39 та ўйинда майдонга тушиб, 31 та гол урди ва 5 та голга ассистентлик қилди. У А Сериянинг энг яхши тўпурарига айланди.